2011/12/27

HR!Z 007 | Napoka Iria + Physis Versus Nomos


HR!Z 007 | NAPOKA IRIA + PHYSIS VERSUS NOMOS
Eguna: urtarrilak 13, ostirala.
Aretoa: Doka Kafe Antzokia.
(Errege zain 20, Antigua – Donostia)
Ordua: 20:30.
Sarrera: 5€.

NAPOKA IRIA. Jendaurrean grabatutako lan berria kalean du Eibarko bikoteak. 2005eko izen bereko maketa eta 2008ko 3 kantuz osatutako bigarren maketaz geroztik ateratako kantu bilduma da Lehertarazi Edifizioak (Bonberenea, 2011). Urtarrileko asteburu batean, grabaketa estudioa Bergarako Zabalotegira egokitu, ateak publikoari zabaldu eta bi kontzertu eman zituzten kantu zahar, berri eta hainbat bertsio eskainiz. Horietako hamar piezek osatzen dute bilduma, gitarra elektriko bat, akustiko bat eta ahotsen ohiko dantzekin.

PHYSIS VERSUS NOMOS. Beñat Antxustegi musikari donostiarraren bakarkako egitasmoaren ezizena da. Iaz maketa laburra sareratu ondotik, aurten Zartada eta Ferekaren Artean (Auto-ekoizpena) estreinako lana aurkeztu du. Rock, pop eta folk doinuak nahasi eta bere eremura eramateko abilezia du.

Informazio gehiago:
www.myspace.com/napokairia
www.myspace.com/physisversusnomos

No hay comentarios:

Publicar un comentario