Euskarazko bideoklipek merezi duten tartea izango dute telebistan. Hain zuzen ere, Hamaika Telebistak BIZI MUSIKA izeneko saioa jarri du martxan, eta astelehenetik ostiralera euskal taldeen askotariko bideoak eskainiko dituzte 16:30etik aurrera. Tartearen izenak badu harremanik Harrobia Lantzen musika ekimenarekin, egituraketan eta artxiboa elikatzeko lanetan lagundu dugulako.
Telebistako arduradunek jakinarazi dutenez, bideoklipa da egun talde askorentzat promozio bide eraginkorrenetakoa. Horrela, azken urteetan taldeek lan
berri bat argitaratu orduko abesti batekin edo hainbatekin bideoa
osatzen dute. Asko dira gurean egin diren bideoklipak. Horien bilduma
egokia egin eta eskaintzea da Bizi Musika tartearen helburua.
Astelehenetik ostiralera, 16:30etik aurrera, Hamaika Telebistan ikusi ahal izango da (LTD, Euskaltel zein Internet bidez).
No hay comentarios:
Publicar un comentario